ബോയ് ഫ്രണ്ട് എന്ന ചിത്രത്തിലൂടെ വെള്ളിത്തിരയിൽ എത്തിയ താരമാണ് ഹണി റോസ്. മലയാളത്തിന് പുറമെ ഇതരഭാഷാ ചിത്രങ്ങളിൽ അഭിനയിച്ചും ഹണി പ്രേക്ഷകമനസിൽ ഇടംനേടി.
സമീപകാലത്ത് ഏറ്റവും കൂടുതൽ ട്രോളുകൾ ഏറ്റുവാങ്ങിയിട്ടുള്ള വ്യ ക്തി കൂടിയാണ് ഹണിറോസ്. തുടരെത്തുടരെയുള്ള ഉദ്ഘാടനങ്ങൾ കാരണമായിരുന്നു അവയെല്ലാം. ഇതുമായി ബന്ധപ്പെട്ട് വരുന്ന ട്രോളുകളെല്ലാം വളരെ ലാഘവത്തോടെ എടുക്കുന്ന ഹണി ഇപ്പോൾ പങ്കുവച്ചൊരു ഇൻസ്റ്റാഗ്രാം സ്റ്റോറി ശ്രദ്ധ നേടിയിരിക്കുകയാണ്.
തനിക്കെതിരെയുള്ള ഒരു ട്രോൾ ആണ് ഹണി റോസ് ഇൻസ്റ്റാഗ്രാം സ്റ്റോറിയിൽ കൊടുത്തിരിക്കുന്നത്. സോഷ്യൽ മീഡിയ ഉപയോക്താക്കൾക്ക് ഏറെ സുപരിചിതനായ ഉബൈദ് ഇബ്രാഹിം ആണ് ഈ ട്രോൾ വീഡിയോയ്ക്ക് പിന്നിൽ. ഈ വീഡിയോയുടെ ലിങ്ക് സഹിതമാണ് ഹണി ഷെയർ ചെയ്തത്. മികച്ച ഉദ്ഘാടക അവാർഡ് ഹണി റോസ് തൂക്കി!’എന്ന കാപ്ഷനോടെയാണ് ട്രോൾ വീഡിയോ പുറത്തുവന്നിരിക്കുന്നത്.
കട ഉദ്ഘാടനത്തിന് ഞാന്‍ എത്തുന്നു എന്നു ഹണിറോസ് പറയുന്ന പല വ്യത്യസ്ത വീഡിയോകള്‍ സംയോജിപ്പിച്ചാണ് ട്രോള് വീഡിയോ ഉണ്ടാക്കിയിരിക്കുന്നത്. തനിക്കെതിരായ ട്രോളിനെ വളരെ രസകരമായി എടുത്ത നടിയെ പ്രശംസിച്ച് കൊണ്ട് നിരവധി പേരാണ് രംഗത്തെത്തിയത്. ഇതാണ് വൈബ് എന്നാണ് ഏവരും പറയുന്നത്.
കേരളത്തിൽ ഉദ്ഘാടനച്ചടങ്ങുകളിൽ സജീവ സാന്നിധ്യമാണ് ഹണി റോസ്. നടി പങ്കെടുക്കുന്ന ഉദ്ഘാടനച്ചടങ്ങുകളുടെ വീഡിയോയും ചിത്രങ്ങളും സമൂഹമാധ്യമങ്ങളിൽ വൈറലാകാറുമുണ്ട്. ഹണി റോസിനെതിരെ വലിയ രീതിയിൽ ബോഡി ഷെയ്മിംഗും നടക്കാറുണ്ട്. ഇതിനൊക്കെ പലപ്പോഴായി പ്രതികരിച്ച് താരം എത്തിയിട്ടുണ്ട്.
ബോഡി ഷെയ്മിംഗ് മോശം ചിന്താഗതിയാണ്. മാറേണ്ടതാണ്. അത് പല വേർഷനായി ഞാൻ അനുഭവിച്ചതാണ്. ഇപ്പോഴത് കണ്ടില്ല, കേട്ടില്ല എന്നു വിചാരിച്ച് മാറിനിൽക്കാനും കഴിയുന്നു. എന്‍റെ ശരീരത്തിൽ ഞാൻ പ്രൗഡാണ്. സൂപ്പർ പ്രൗഡാണ്. എനിക്കുള്ളതെല്ലാം എന്‍റേതാണ്. അതിൽ ഞാൻ അഭിമാനം കൊള്ളുന്നു എന്നും ഹണി റോസ് കഴിഞ്ഞ ദിവസം പറഞ്ഞിരുന്നു.
